ബെംഗളൂരു: ഞായറാഴ്ച രാത്രി ലഗ്ഗെരെ പാലത്തിന് സമീപം സൈൻബോർഡ് ബാരിക്കേഡിൽ ഇടിച്ച് ഉണ്ടായ അപകടത്തിൽ സ്കൂട്ടർ ഓടിച്ചിരുന്ന രണ്ട് പേർ മരിച്ചു.
കെഎ-05-എൽജെ-1917 എന്ന രജിസ്‌ട്രേഷൻ നമ്പറിലുള്ള സ്‌കൂട്ടറിലാണ് ഗോരഗുണ്ടെപാളയ സ്വദേശികളായ 22കാരൻ ദേവരാജ് എം, ജഗദീഷ് എസ് എന്നിവർ സഞ്ചരിച്ചിരുന്നത്. ദേവരാജിന്റെ സഹോദരൻ ലിംഗരാജുവിന്റെതായിരുന്നു വാഹനം.
ജഗദീഷ് സ്കൂട്ടർ ഓടിക്കുമ്പോൾ ദേവരാജ് പിന്നിലിരിക്കുകയായിരുന്നു. ഹുബ്ബള്ളി സ്വദേശിയായ ദേവരാജും തമിഴ്‌നാട് സ്വദേശി ജഗദീഷും വ്യവസായ മേഖലയിലെ ഔഷധ നിർമാണ ഫാക്ടറിയിൽ സഹായികളായി ജോലി ചെയ്യുകയായിരുന്നു.
രാത്രി 11.40 ഓടെയാണ് അപകടമുണ്ടായതെന്ന് പോലീസ് പറഞ്ഞു. ലിംഗരാജു നൽകിയ പരാതിയുടെ അടിസ്ഥാനത്തിൽ ജഗദീഷിനെതിരെ രാജാജിനഗർ ട്രാഫിക് പോലീസ് കേസെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
